نزلت اشترى عيش فى يوم ولما رجعت لقيت العيش فى مسمارين على شوية إزاز......اتنرفزت وقعدت اشتم على البلد واللى فيها وعاللى ماسك العيش....وبعد ما خلصت نرفوزتى وهديت ورجعت لعقلى تانى..قعدت افكر مع نفسى واقول فين العيش المدعم ده اللى بيقولوا عليه.....وبعد عناء واستخدام عقل كتير عرفت الاجابةالدعم ده بيقدموه للناس الغلابة...الغلبان مننا يشترى رغيف العيش ويلاقى معاه هدية وهو وحظه اما يلاقى مسامير يستفاد بيه ممكن يعمل حاجات كتير بالمسامير دى يربط حاجةبيها ولا يرشقها فى الحيطة
ممكن برضه يلاقى شوية إزاز ممكن برضه يجمعهم لحد ما يبقوه لوح يحطه فى شباك او يقعد يجمع ويجمع ويجمع لحد ما يخلص إزاز ابنه اللى بقاله عشر سنين بيجهز فيه
ولا يلاقى زلط ممكن يشيله برضه اهو ينفع وقت العوزة محدش عارف اللى متحتجش لوشه انهاردة بكرة تحتاج لقفاه
يا جماعة مش عايزة اى حد يتسرع ويقعد يقول مفيش حاجة من اللى بيقولوه عليها بتتعمل الدعم موجود بس المواطن مبيشوفش حاجة والله يكون فى عونه برضه هو هيعمل نضارة منين
